Góðan daginn öllsömul

Það er allt gott að frétta af okkur á Holti, aðlögun er lokið í bili og allir bara glaðir og sælir.

Í morgun fórum við í gönguferð á leynistað, ferðin gekk bara vel enda ekki við öðru að búast af þessum snillingum. Við stoppuðum á leynistaðnum og þar léku börnin sér, fundu stóra steina til þess að stökkva niður af (og sáum við að við eigum sko efnilega hástökkvara í okkar hópi) og léku sér í fallegu náttúrunni okkar.

Við stefnum að því að fara alltaf á fimmtudögum í vettvangsferðir og því væri gott að börnin væru mætt um kl 9 svo þau komist með okkur.

Látum þetta nægja í bili, fleiri fréttir frá okkur koma á næstu dögum

Kv. Holtarar

P.s Myndir frá vettangsferðinni og svo miklu meira inn á myndasíðunni!

Við á Holti erum komin í jólaskap og erum byrjuð að æfa jólalögin á fullu!  Það er svona við misjafnar undirtektir barnanna þar sem það er nú yfirleitt skemmtilegra að syngja það sem maður kann alveg utan að!  Þau eru þó fljót að læra og farin að syngja mörg lögin hástöfum.  Síðan er mikið farið að ræða um jólasveinana og bæði rauði og blái hópur er búinn að fara upp á Vatnshól og rýna þaðan í Esjuna og athuga hvort sjáist til þeirra rauðklæddu.

Það er ýmislegt spennandi á döfinni í desember og voru börnin mjög spennt fyrir kirkjuheimsókninni á mánudaginn.  Við förum þangað alla mánudaga fram að jólum.  Í næstu viku ætlum við að baka piparkökur og síðan verður jólaballið á föstudaginn.  Við reynum auðvitað að stinga nefinu út undir bert loft á hverjum degi þó það hafi nú verið í styttra lagi núna í kuldanum undanfarið.  Við viljum ítreka mikilvægi þess að börnin séu vel búin og að merkja alla hluti vel.  Það er líka gott að fylgjast með því hvað börnin bera heim því það er aldrei að vita nema að það læðist með flík úr næsta hólfi.

Kveðja

Starfsfólk á Holti

Kæru foreldrar.

Vikan sem var að líða var mjög ánægjuleg, bæði í hópastarfi og í flæðinu. Það var reyndar svolítið um veikindi hjá börnunum en annars var vikan góð. Þeim fannst frábært að komast út í snjóinn, hvort sem var að renna sér eða til að borða hann. Vasaljósadagurinn fannst þeim frábær, þá var dimmt hjá okkur og vasaljósin notuð óspart við að lýsa upp. Börnin sungu svo lagið um fiskana tvo á vinafundinum og voru eins og bestu söngvarar. Þeim hefur farið mikið fram í söng og nú heyrist vel í þeim. Takk fyrir vikuna, kennarar á Holti.

Þá erum við loksins búnar að setja inn myndir af yndislegu Holturunum okkar :) Þetta er ýmsar myndir frá októbermánuði sem og dans og tónlistarsýningu sem nokkur börn voru með í morgun á ráðstefnu í Kennaraháskólanum.

Héðan af Holtinu er allt gott að frétta. Kormákur Tumi er farinn frá okkur yfir á Tún og eftir helgi fáum við nýjan dreng. Hér er aldrei lognmolla hjá okkur og alltaf nóg að gera. Börnin eru ákaflega hrifin af snjónum og ótrúlega dugleg að leika sér úti í vetrarveðrinu. Þau hafa líka tekið miklum framförum í valinu síðan við byrjuðum með það og er gaman að fylgjast með þeim.

Látum þetta duga að sinni :)

Kærar kveðjur
Steinunn, Soffía, Gígja, Inga og Gosia.